Iek veeribosko volliboskiiro

Iek veeribosko volliboskiiresko tšeeriba hin tšuuvel naal it veeriba ta te starjuvel aro ring tšuuviba. It veeribosko volliboskiiro hin peskiiro tšenstako iegiboskiiro.

Aro iek veeribosko volliboskiiresko ringvojuvela te rissuvel, om hin streffadas elle merknadas ring tšuuviba etnisko byrjibosko botnosko, tšimbako, themmeskiiribosko, passibosko, džoralo džintako rikkibosko, džintako rikkibosko, politiko tšeeribongo, buttijako tšeribosko tšeeribongo, ȟleȟtako ringako, sastibosko stedosko, lammalesko elle aro vauro komunis aaȟȟime doȟȟesko ȟaal.

Aro iek veeribosko volliboskiiresko  tšeeriba ȟunjuvela nii te fendjavel ajasaavo gruppengo sar vauro themmeskiirengo horttibi, aaȟȟibi, horttibi ta stedos, so hin aro faarligiba te streffaven ring tšuuviba. Iek veeribosko volliboskiiresko it ȟlaagakiiro tšeeriba hin te vallavel varothemmeskiirengo nikki biȟiba Finitiko themmesta ta te aaȟȟel themmeskiiro komujengo biknibosko raportiboskiiro.

 

It veeribosko volliboskiiresko tšeerela butti ring tšuuvibossa, so fanuvela ȟleȟtako ringako elle ȟleȟtako ringako botnosta.

Jelpiba iek veeribosko volliboskiiresta

Le sankiba aro iek veeribosko volliboskiiirensko saakakiirengo tšensta, om tuut hin tšunde ring elle tu sal merknadal ring tšuuviba. Tu vojuveha nii te les sankiba vauro komunisko ringata.

Iek veeribosko volliboskiiresko dela sikibi, jelpavela aro ring tšuuvibosko grunnibosko klaarjiba ta aro hyöviba tšeerela butti ring tšuuvibosko uhrisko horttibosko siilako sambuotiboske. Ring tšuuvibosko grunnibosko klaariboske volliboskiiro vojuvela te baȟȟel prissuno ringata džeenjibi elle klaarjibi ta vaure komujenna buutide džaanibi so aaȟȟena te tšeeren saakaha. Iek veeribosko volliboskiiresko tšenstako iegiboskiiren hin mostiba te rikkaven tšorjal saaki so aaȟȟena te tšeeren naaluno merknosko öm saakensa aro iego dživiba.

Iek veeribosko volliboskiiro na vojuvela te biȟavel vauro tšenstako iegiboskiires te tšeeren butti tši maneeraha elle te tšeerel tši phutriba. Iek veeribosko volliboskiiro na vojuvela te paruvel vauro  tšenstako iegiboskiiresko ȟluutiba. Tu mostuveha te rikkaves aro naaluno vast hortta rettibosko ta paribosko roodibosko maneeri.

Iek veeribosko volliboskiiresko rekkimen horttibosko jelpiba hin sikibongo diiben. Paargong volliboskiiro vojuvela endo te jelpavel elle te biȟavel pesko offisiako buttijako tšeeriboskiires te jelpavel aro horttiba saakakiires, koon hin tšunde ring. Douva postuvela, at saaka hin boȟlo tšetano thaanavitiko starkiba aro ring tšuuvibosko rakkiba. 

Phukibosko tšeeriba

Hinko tuut tšunde ring? Le sankiba aro iek veeribosko volliboskiiro e-postoha, baȟibossa elle liineha. Streffibosta aro offisia mostuvela te ȟömsavel alti aro naaluno vast.Offisiako tšensti hin uutan presiba.

Vaanligas ame na tšeeraha butti tukko phukibossa it tiija vauro tšensta iegiboskiireha. Phen amenge om tukko saakataredan rikkavena omsoroga varetheene.

Pherda phukibosko formulaaros dai

Phirro muodako liinvalo phukiba (e-postos, liin)

Tu vojuveha te ȟikkavel amenge phirro muodako phukiba e-postoha elle liineha. Offisiako buttijako tšimba hin finitiko, sveittiko ta angliko tšimb. Tu vojuveha nii te tšeeres liinvalo phukiba tukko iego dako tšimbaha. Ame haagavaha, at tukko phukiba naa langȟtide ako dui paȟ.

Svara aro dala puȟȟibi, ka tu ranneha phukiba:

  1. Soske tu grunnaheva, at tuut hin amsade banges just tukko iego individualno ȟlaagako ȟaal?
  2. So hin fanudiilo ta koon hin amsadas tuut banges tukko džintata?
  3. Kai ta kaana dauva fanudiilo?
  4. Hinko fanibosta liinvalo tiljimen džaaniba? Sasko tussa tšek vauro, koon vojuvelas te tšeeknaves douva so fanudiilo?
  5. Salko tu rigadal saaka varetheene kai dotta rikkavana omsorga?
    1. Koon rikkavela/hin rikkadas omsorga tukko saakata  (naaluno merknoske parlamentosko horttibosko saakako džeeno, peros, fallibosko horttiba)

Aro phukiba tu vojuveha te sankaves koni fuortunide saakako liinengo kopii.

Ȟikka phukiba e-postoha aro adressos: yvv(at)oikeus.fi

Elle postoha aro adressos:

Yhdenvertaisuusvaltuutetun toimisto
PL 24
00023 VALTIONEUVOSTO

Saakakiirengo tšenstibosko baȟibosko tšensta

Iek veeribosko volliboskiiresko baȟibosko tšensta hin phirro aro buttijako divisi kamana 10–12. Dauva tiija tu vojuveha te les hastigas sikibi aro tukko saaka.

Baȟibosko tšensta jelpavela tuut finitiko, angliko ta sveittiko tšimbaha. Baȟibosta vela baȟiboskiireske vaanliga presibi baȟibosko sankibosko ȟömsibosko paalal, froo ȟlaagakiiro tšenstibosko presiba na hyövuvela te presavel. Om tu kammeha, ame vojuvaha te baȟaven tukke paale.