OVTTAVEARDÁSAŠVUOĐAÁITTARDEADDJI MUITALUS RIIKKABEIVVIIDE 2018

Ovttaveardásašvuođaáittardeaddjis addon lága mielde áittardeaddji addá oktii njeallje jagis riikkabeivviide muitalusa ovttaveardásašvuođa ollašuvvamis. Muitalusas gieđahallat maiddái olmmošgávppi ja dasa laktáseaddji fenomenaid. Dát ovttaveardásašvuođaáittardeaddji vuosttas muitalus gieđahallá áittardeaddji doaimma ja doaibmaválddi buot beliid – ovttaveardásašvuođa, vealaheami, olgoriikkalaččaid uoigatvuođaid ollašuvvama, olmmošgávppi vuostásaš doaimma ja riikkas eret doalvuma goziheami. Láhka lea leamaš fámus golbma jagi ja dál lea buorre muddu seassat dan doaibmama. Riikkabeaiválggat leat jagi geahčen. Muitalusas ovdanbukton fuomášumit ja doaibmabidjoevttohusat addet riikkabeaijovkkuide ja bellodagaide vejolašvuođa árvvoštallat ovttaveardásašvuođalága ja eará áittardeaddji doaibmasuorgái gullevaš láhkaásaheami doaibmama čuovvovaš hálddahusbaji várás.